spumã (spó-mã) sf spumi/spume (spú-mi) – petur ca albu (sh-multi ori cu njits fushti) tsi s-fatsi pri fata-a multor lucri cãndu suntu-ascuturati vãrtos; unã muljiturã cu fushti tu nãsã, ca yinlu, bunãoarã, cãndu s-ascuturã i s-distupã shisha-ascuturatã; spumãturã;
(expr:
1: easti spuma (a unui lucru) = easti partea-atsea ma buna-a unui lucru;
2: fac spumi la gurã (di inati, etc.) = mi-ari acãtsatã unã mari inati; mi-ariciuescu, mi arcedz multu di multu; mi-acãtsarã dratslji)
{ro: spumă}
{fr: écume, mousse}
{en: froth, foam}
ex: fatsa-lj albã ca spuma; arãslu ca spuma di lapti; nu lj-ari loatã spuma di la carni; featsi spumã laptili; di griri shi strigari avea faptã spumã la gurã
§ spumãturã (spu-mã-tú-rã) sf spumãturi (spu-mã-túrĭ) – atsea tsi-avem pri fatsa-a unui lucru tsi fatsi spumi; spumã
{ro: spumă}
{fr: écume}
{en: foam, froth}
ex: yinlu-aestu easti spumãturã (mash spumã)
§ spumos (spu-mósŭ) adg spumoasã (spu-mŭá-sã), spumosh (spu-móshĭ), spumoa-si/spumoase (spu-mŭá-si) – (amarea cu chimati, yinlu, laptili, etc.) tsi easti cu spumã; spumat, aspumat
{ro: spumos}
{fr: écumeux}
{en: foamy, frothy}
§ spumedz (spu-médzŭ) vb I spumai (spu-máĭ), spumam (spu-mámŭ), spumatã (spu-má-tã), spuma-ri/spumare (spu-má-ri) – (apa, yinlu, chima, etc.) fatsi spumi; (omlu, calu, etc.) scoati spumi la gurã cãndu alagã multu; aspum;
(expr: spumedz (di inati) = dip canda scot spumi la gurã cãndu mi nãirescu multu pri cariva)
{ro: spuma}
{fr: écumer, mousser}
{en: skim, foam, froth}
ex: laptili si spumã (featsi spumã); undzãli spuma ningã; calu avea spumatã (avea faptã spumã la gurã) di multã alãgari
§ spumat (spu-mátŭ) adg spumatã (spu-má-tã), spumats (spu-mátsĭ), spumati/spumate (spu-má-ti) – tsi ari faptã spumi; tsi ari scoasã spumi la gurã; aspumat
{ro: spumat}
{fr: qui a de l’écume, qui a moussé}
{en: who is skimmed, who is frothing, foaming}
ex: atslji aruja spumats
§ spumari/spumare (spu-má-ri) sf spumãri (spu-mắrĭ) – atsea tsi s-fatsi cãndu si spumeadzã tsiva i cariva; aspumari
{ro: acţiunea de a spuma; spumare}
{fr: action d’écoumer, de mousser}
{en: action of skimming, of foaming, of frothing}
§ aspum (as-púmŭ) vb I aspumai (as-pu-máĭ), aspumam (as-pu-mámŭ), aspumatã (as-pu-má-tã), aspuma-ri/aspumare (as-pu-má-ri) – (unã cu spumedz)
§ aspumat (as-pu-mátŭ) adg aspumatã (as-pu-má-tã), aspumats (as-pu-mátsĭ), aspumati/aspumate (as-pu-má-ti) – (unã cu spumat)
§ aspuma-ri/aspumare (as-pu-má-ri) sf aspumãri (as-pu-mắrĭ) – (unã cu spumari)
§ nspumedz (nspu-médzŭ) (mi) vb I nspumai (nspu-máĭ), nspumam (nspu-mámŭ), nspumatã (nspu-má-tã), nspuma-ri/nspumare (nspu-má-ri) – (unã cu spumedz)
ex: ma nspumã (featsi spumã) laptili; nji nspumai mãna cu sãpuni
§ nspumat (nspu-mátŭ) adg nspumatã (nspu-má-tã), nspumats (nspu-mátsĭ), nspumati/nspumate (nspu-má-ti) – (unã cu spumat)
ex: nspumati yinea apili-a arãului
§ nspumari/nspumare (nspu-má-ri) sf nspumãri (nspu-mắrĭ) – (unã cu spumari)
§ spumig (spú-migŭ) vb I spumigai (spu-mi-gáĭ), spumigam (spu-mi-gámŭ), spumigatã (spu-mi-gá-tã), spumigari/spumigare (spu-mi-gá-ri) – (unã cu spumedz)
ex: spumigã
(expr: dip canda cum scoati spumi dit gurã) di inatea tsi nj-ari; balta spumiga tu vimtu
§ spumigat (spu-mi-gátŭ) adg spumigatã (spu-mi-gá-tã), spumigats (spu-mi-gátsĭ), spumigati/spumigate (spu-mi-gá-ti) – (unã cu spumat)
§ spumigari/spumigare (spu-mi-gá-ri) sf spumigãri (spu-mi-gắrĭ) – (unã cu spumari)
§ xispumedz (csis-pu-médzŭ) vb I xispumai (csis-pu-máĭ), xispumam (csis-pu-mámŭ), xispumatã (csis-pu-má-tã), xispumari/xispumare (csis-pu-má-ri) – scot sh-u-aruc spuma dit tsiva (apa, yinlu, chima, etc.)
{ro: lua spuma}
{fr: enlever l’écume}
{en: take away the foam}
§ xispumat (csis-pu-mátŭ) adg xispumatã (csis-pu-má-tã), xispumats (csis-pu-mátsĭ), xispumati/xispumate (csis-pu-má-ti) – tsi-lj s-ari loatã (scoasã) spuma tsi-avea
{ro: cu spuma luată}
{fr: avec l’écume enlevé}
{en: with the foam taken away}
§ xispumari/xispumare (csis-pu-má-ri) sf xispumãri (csis-pu-mắrĭ) – atsea tsi s-fatsi cãndu si scoati spuma dit un lucru
{ro: acţiunea de a lua spuma}
{fr: action d’enlever l’écume}
{en: action of taking away the foam}
T.Cunia Dictsiunar-a-Limbãljei-Armãneascã ma multu/ptsãn