|
|
vranâ
RO:vrană - gaură în butoi … Dictsiunar Armãn-Romãn Data DB:49517>2014-05-14 22:31:17.333362 »
vranã
vranã (vrá-nã) sf vrani/vrane (vrá-ni) – gurã adratã la talarli ncljisi tra si s-bagã i si sã scoatã yin (turshii, cash, etc.); doplu tsi astupã-aestã guvã
{ro: vrană}
{fr: trou de bonde; bonde}
{en: bung hole (of a cask)}
ex: vrana di la bozã; eara mplinã voza pãnã di vranã (guvã)
vãr
vãr (vắrŭ) pr indef, adg vãrã (vắ-rã) fãrã pl – cariva, cainiva, caniva, cuniva, tsiniva, vãrã, vãrnu, vãrnã, verun, vãrun, vrãn, nitsiun, can
{ro: cineva; niciunul, nimeni}
{fr: quelqu’un; personne}
{en: somebody; nobody}
ex: vãr per di lãnã; ca vãrã (unã) lunã; cãndu li-avdza vãr (cariva) di diparti; necã altu vãr (nitsiun altu); vãr (nitsiun) lucru nu-armasi n casã; di soi vãr (nitsiun) nu-armasi; vãrã (cariva, nitsiun) nu-ts da s-mãts
§ vãrnu (vắr-nu) pr indef, adg vãrnã (vắr-nã) fãrã pl – (unã cu vãr)
ex: va lj-agiutã vãrnu (cariva); asunã, canda, vãrnu (cariva) la poartã; di s-ai tini vãrnu (vãrã) ghegã; di-nj lja vãrnã (vãrã, unã) oai; tini vãrnu (nitsiun altu) nu-ascultash; s-nu s-ducã vãrnã (nitsiunã) di voi; dã-lj a vãrnui (a cuiva) aestu mer; nu-l dau a vãrnui (la nitsiun); s-nu spunã a vãrnui (la vãrã, la nitsiun); dzã-lj a vãrnei (a unei, la vãrã) featã s-n-agiutã; nu deadi a vãrnei (la nitsiunã); vãrnu nu vinji pãnã tora; vãrnu om cu drãnjli tuti nu njardzi pi mintea-a lui
§ vãrãun (vã-rã-únŭ) pr indef, adg vãrãunã (vã-rã-ú-nã) fãrã pl – (unã cu vãr)
§ verun (ve-rúnŭ) pr indef, adg verunã (ve-rú-nã) fãrã pl – (unã cu vãr)
§ vrãn (vrắnŭ) pr indef, adg vrãnã (vrắ-nã) fãrã pl – (unã cu vãr)
ex: nu-l dau din bratsã a vrãnui (a vãrnui, la vãrnu)